FORMAZIO DUALA "Horrela Bizitzeko" bilduma osatzen duten sei diskoetatik lehen alea da. 2017ko bigarren erdia eta 2018 bitartean idatzi eta grabatua izan zen etxean. Nahasketa 2019ko udan egin nuen. Hau binaural bertsioa da.
credits
released June 1, 2020
Ekoizpen osoa Surround 5.1 formatuan burutu dut, etorkizunean zine-aretoetan "Horrela Bizitzeo" lanaren aurkezpen bateratu bat egiteko asmoz, musika akusmatikoki eta testuak pantailan proiektatuz. Beraz, lehen ale honetan alderdi hau bereziki landu dudanez eta musikaren nahasketa espazializatua leialtasunez isladatzeko, bertsio estereo arruntaz gain binaurala ere badago entzungai. Bigarren honek 360 graduko sentsazioa sortzen du aurikular bidez entzun ezkero. Baina bestela ere entzun daiteke.
Bigarrenik, youtube-n bi bertsioek azpitituluak dauzkate, lana entzun-irakurtzeo. Bereziki sortu nahi nuen egoera estetiko hau.
FORMAZIO DUALAk subjektuaren eraikuntzari buruz egiten du hausnarketa. Ustez egonkorra eta berez-berezko dugun nortasun finko eta erakusgarri zein ikusgarri hori baina, paradoxikoki, zeharo besterenduriko existentzia batera garamatzana. Eguneroko jarduerak geure-geureak ditugun grinak ekintzaratzeko ezgaitasunean oinarrituz, akzioaren patologia konpultsiboan etengabe asetzeke.
Eta nortasun hori langile-nortasuna da. Hortik dator diskoaren izenburua: Formazio Duala delakoa hezkuntzak lan-merkatuaren beharrak asetzera eta langile-ornitzaile eraginkor izatera bideratu behar duela, itsuran zentzu osoz, dioen ikusmoldea da, geurean erabat normalizatu dena. Finean, gizakiaren esistentziaren esparru ororen ekonomizazioa, alderdi horiek zilegizko izatea lor dezaten bide bakar bezala planteatuz. Hezkuntzari eta bakoitzaren barruari beren horretako -tasun dinamikoa ukatuz. "Hau duzu gustuko? Ongi, bilakatu ogibide eta orduan izango zara." Gure nortasunaren sustantzia finkoa aldarrikatzen dugu, eta sustantzia hori ekonomiak damai (lanean edo oporretan). Hortik kanpokoa ez da. Ekonomia gizarte zientifista fedebakoaren sasijainkoa da: Jabe-Yhavhe.
Baina horren truke, garena ez da garena. Besteren bizitzak bizi ditugu, gabiltzana erakusten galtzen dugu nahiko genukeena egiteko indarra. Eta horrek barnean pilatzen duen frustrazio, erretxin eta ezinegona bideratzeko hainbat eta hainbat ihesbide sozialki normalizatu baliatzen ditugu. Batetik, autosuntsitze mekanismoak daude, ahanztura bilatzen dutenak, edo pilatutako energiaren deskarga, laburbide sasiasegarriak. Hemen drogak dira nagusi, bereziki alkohola, sozialki onartua dagoelako, beste hainbatekin batera, hala nola, joko eta apostu etxeak, janari konpultsibo normalizatuak Gabonetan... Bestalde, badago ebasiozko beste mekanismo-mota bat, hiperidealizazio esparruak irudikatzen dituena, "avatar" bidezko sasi-erralitateen bidez ustezko gure nortasun hori modu bereziki eredugarrian burutu dutenen unibertsoa erakusten diguna, hots, arrakastadunen gune fantastikoa, futbol modernoa, musikari famatuak eta bestelako idolo loriatsuak (reality-ak- Conquis eta telesailak...) Edozer gauza, geure barnea akatu eta inoiz iritsiko ez dugun eta ez garen hori garelakoa egiteko. Ustez nahi dugun hori berez desio duguna ez delako. Ezin, beraz, inoiz lortu. Azken finean, dena ezin da, ez?
Asegbetasun adikto honen proiekzioa da, orobat, gizakiaren naturarekiko harremana, ustiapenkerian oinarritua. Dualtasuna jarraituz, natura mehatze bat da guretzat, edo bestela World Disney parke tematiko bat, gure eskura, hegaldi espres bateko distantizara. Eta jazarpen-gune funtsezkorik badago, hori emakumearen gorputza da. Gizonaren frustrazio, erresumin eta adikzio ororen proiekzio bezala gorpuztua eta bortxatua.
FORMAZIO DUALA pieza bakarreko lana da, eta bere baitan hainbat abesti eta mikro-abesti gorpuzten dira, mekanikotasun itsuraz asistematiko baten menera, ambient soinu-paisai, irratsaio eta soinu-olerkigintza esparruekin batera. Forma eta sekuentziazio modu honek arestiko hausnarketak irudikatu eta elikau nahi ditu.
Musika-gailu gehien-gehienak analogikoak dira eta kualitate mekanikodunak. Pultsu ezberdinen gainjarketa dexente erabili da, desoreka automatiko bat sortuz.
Euskararen gramatika ere esperimentazio-gune bezala erabili dut aipaturiko edukiak lantzeko. Honela, subjektua fragmentatzen da askotan, kasu markekin jolastuz, nortasuna sozialki elkarri josten diogula iradokituz.
Formazio Duala den soinu-gorputz oso horretan nonbait suertatzen den "Ez dut ezer esan" abestiko abesbatza Tolosako Santa Klara konbentuan grabatu zuen Juanan Ros-ek, 2019ko ekainaren 16an. Abeslariak KEA Ahots Taldekoak izan ziren, Enrique Azurzaren zuzendaritzapean. Agerraldi honek hurrengo aleetan abesbatzak izango duen garrantzia aurreratzen du. Beste hor nonbait agertzen den "Hau ez da" abestiaren bideoklipa ere badago ikusgai plataforma honetan, Hodei Ezeiza Zalduak egindako bideo-lan aparta.
"Horrela Bizitzeko" bildumaren azal nagusia eta ale bakoitzerako aldaerak Estibaliz Urresola Solagurenek egin ditu.
FORMAZIO DUALA / Gailu nagusiak:
Prophet ´08, KOMA Elektronik Field Kit, Teenage Engineering PO 12 RHYTHM, Doepfer spring reverb, Lexicon MX400.
Shards of static & distortion crash against disarmingly beautiful piano & synth melodies on this riveting new record from Carbon and Prose. Bandcamp New & Notable Oct 30, 2022
The new album from electroacoustic composer Jeremy Young is draped in a sense of mystery, tones flickering gently, like an old home movie. Bandcamp New & Notable May 9, 2021
Moody and weird experimental pop from Melbourne follows the intuitive logic of the surrealist game from which the group takes their name. Bandcamp New & Notable Oct 8, 2020
Jessica Moss uses vocals and violin to create haunted celestial spaces that are fragile and powerful in equal measure. Bandcamp New & Notable Oct 26, 2018
Written in response to the climate crisis, “Leviathan” is a brooding and beautifully unsettling batch of dark ambient songs. Bandcamp New & Notable Sep 16, 2023